2024 жылдың 27 қараша күні ауылымызда орналасқан екі мектептің 11сынып оқушылары мен ата-аналардың бірлескен және Ұлттық тест орталығының маманы Токенбаев Қайсар Гадылханұлымен жиналыс өткізілді.
Қ.Гадылханұлы ҰБТ-ға қатысушыларға арналған ақпараттар бойынша түсіндіру жұмыстарын жүргізді. Түсіндіру барысында білім алушыларға: оқушының құжаты болмаса немесе туу туралы куәлігі болған жағдайда мектеп берген анықтама дұрыс рәсімделмесе, онда оқушы ҰБТ тапсыруға кіргізілмейтіндігі айтылды. Сонымен қатар тыйым салынған заттарды өзімен бірге алып кіруіне болмайтындығы, тәртіп сақтау керек екендігі айтылды. Тестілеу - бір оқушы- бір компьютер-екі камера қағидаты бойынша тест өткізілетіндігі туралы түсіндірілді.
ҰБТ-ның мақсаты – мектепті бітіруші түлектердің негізгі бес пәннен бағдарламаны қаншалықты меңгергенін анықтау екенін айтып, бағдарламаның негізгі құжат екеніне тоқталып, ҰБТ-дағы пәндердің саны өзгеріссіз қалғанын, яғни 2025 жылғы талапкерлер үш міндетті және таңдау бойынша екі пәннен тест тапсыратындарына толық тоқталды.
Оқушылардың қойған сауалдарына жауап беріп, жиналыс соңында барлық талапкерлерге ақ жол тілей отырып, таңдаған мамандықтарына оқуға түсіп, білікті маман болып шығуына шын ниетін білдірді

https://youtube.com/shorts/XeWKs-nxg4I?feature=share