Бүгін 27.11.2024 жылы мектебімізде Біртұтас тәрбие бағдарламасы аясында «Өнегелі өмір» «Бабалар салған ізімен...» атты тақырыпта сыр сұхбат өтті. Сұхбатымызға қонаққа Қарасай ауданының беделді азаматы көшбасшы тұлға, ауданымыздың дамуына өз үлесін қосып жүрген Жамбыл ауылдық округінің әкімі: Омербаев Еламан Саматұлы келді. Сұхбатымыздың мақсаты: «жаста болса бас болып, ел ісіне араласып жүрген Еламан Саматұлын жаңа қырларынан көріп, балалық шағында өткен ерекше сәттерін оқушылармен бөлісіп, білім алушыларымызды өмірде кездесетін түрлі сан қилы қиындыққа төтеп беруге шақыру. Сұхбаттаса отырып, өздері таңдаған мамандыққа бейімделуге, өз бетінше ой қалыптастыруға, танымал тұлға мен кейінгі буын арасын байланыстыра отырып, жақын таныстыру, өмірін үлгі-өнеге ету, өмірді сүюге тәрбиелеу болатын. Бүгінгі сұхбат алаңында Еламан Саматұлы біздің оқушылармен өзінің бос уақытында оқитын сүйікті кітаптарымен таныстырып, оқушыларға Мухтар Әуезовтың «Абай жолы» романын,
«Бай әке,кедей әке» Роберт Кийосаки , Шэрон Л.Лектор,
«Қан мен тер» Әбдіжамал Нұрпейісов, «Табысқа жетудің 7 құпиясы» Аманжол Рысмендиев шығармаларын оқуға кеңес берді. Ұл жігіттерімізді спортпен айналысуға шақырып, мінез құлықтың қалыптасуына ықпал ететін айта отырып рухтандырды. Бүгінгі күні жеткен жетістіктеріне, өмірде алған білімі мен ата - анасының тәрбиесі, сонымен қатар аянбай еңбек етудің нәтижесі екендігін айтты. «Бүгінгі күн - ертеңгі тарих», - демекші осы кездесуіміз мектебіміздің жоғары сынып оқушыларын болашаққа бастайтын сұхбат болды деп ойлаймыз. Шәкірттеріміз Еламан Саматұлының сан түрлі қырларымен танысып, жақсы бір сұхбаттың куәсі болдық. Оқушылар өздерінің сұрақтарын қойып, еркін, әсерлі сұхбат болды. Сөз соңында шәкірттеріміз еліміздің болашағы үшін сапалы білім алып, осындай беделді тұлғалар секілді аянбай қызмет етуге уәде берді.
Мектеп әкімшілігінің атынан Еламан Саматұлына уақыт бөліп келгені үшін үлкен алғыс білдіреміз.

https://youtube.com/shorts/X5Ub5e459eg?feature=share